Það sem var, er og verður vonandi...

mál að linni?

Sun, 08 Jul 2007 11:13:58 GMT

Kannski............

áskorun

Sat, 07 Jul 2007 14:29:38 GMT

Það ykkar sem verður númer tíu þúsund skal þó í það minnsta andskotast til að kvitta fyrir sig............

ferííííí

Mon, 02 Jul 2007 13:36:48 GMT

Nú er ég kominn í sumarfrí og við Herdís ætlum að hafa það gott núna heima alla daga þangað til Sigrún er komin í sumarfrí.....og í millitíðinni þurfum við að slökkva nokkra elda hér og þar um fjörðinn.

Nú ætlar Geir Ólafs að koma Nancy Sinatra á klakann. Gott málefni út af fyrir sig, og reyndar vonandi að honum takist það, ætli maður mydi ekki verða fljótt leiður á að vera ómarktæk fígúra?

Dóttir mín er að opna harmonikkutöskuna mína.

Riffilkíkirinn minn kom um daginn, brilljant verkfæri, svo nú hef ég engar afsakanir fyrir að hitta ekki það sem ég skýt á. Felulitatjaldið kemur von bráðar og ég þarf að láta hlaða fleiri skot fyrir mig og þá fer þetta að verða gott!!

ferðalög

Sun, 10 Jun 2007 16:16:40 GMT

Mér dettur einna helst í hug Chris Rea, maðurinn enda með eindæmum góður lagahöfundur.

Ég fer í sumarfrí 1. júlí. Hafi lesendur fram að færa séróskir um heimsóknir eða vinnu látið vita ekki seinna en að kveldi 29. þessa mánaðar.

Annars eru uppi plön um gagngerar endurbætur á garðinum, það getur endað í einhverjum hundruðum þúsunda en það er í góðu lagi því að síðasta ríkisstjórn bjó svo vel í haginn fyrir verkafólk. Ég sé ekki fram úr augum fyrir handbæru fé og ætla að láta eitthvað af hendi rakna við lögfræðinginn á efri hæðinni því að kröpp eru kjör langskólagenginna.

kjör

Fri, 11 May 2007 13:48:39 GMT

Mér finnst að við ,sem Júróvisjón þjóð, eigum að viðhalda þeirri umfjöllun sem Eiríkur Hauksson hefur fengið. Við ættum að senda Andreu Gylfa næst og svo Garðar Thor eða Magna, eftir því hvernig stemningin verður. Ekkert sjóv, engin alteregó. Atvinnufólk og ekkert annað. það er alltof mikið glimmer í þessari keppni.

áróður

Sun, 22 Apr 2007 11:42:39 GMT

Ég vil ekki hafa "banner" frá framsóknarflokknum þarna fyrir ofan. Er þetta í einhverju sambandi við fyrri pistil? Aldrei að vita, nema þeir ætli að gera eitthvað fyrir mig og mína......

af verkamönnum

Mon, 19 Mar 2007 15:49:37 GMT

Er raunverulega einhver verkamaður sem sér sér hag í að kjósa yfir sig núverandi ástand í næstu alþingiskosningum?

Heyrði um daginn óbreyttan vörubílstjóra segja að hann treysti ekki vinstri flokkunum til að stjórna þessu landi, og engum nema framsókn og sjálfstæði. Skrítið. Það eru flokkarnir sem ég treysti síst.

Ef einhver flokkurinn kemur nú fram og segist vilja gera mér fært að eignast þak yfir höfuðið án þess að það geri mig hartnær gjaldþrota þá kýs ég hann. Það gengur ekki að segja þeim lægst launuðu endalaust að þau verði bara að lifa spart. Við erum búin að lifa nógu spart nógu lengi og sjá aðra fitna af okkar peningum. Ég vil breytingar. Þjóðin vill breytingar. Bankakerfið er að drepa verkafólk í landinu í stórum stíl, og engir aðrir en ríkisstjórnarflokkarnir hafa gert þeim það kleift. Loksins núna er farið að reyna að skakka leikinn milli þeirra sem lifa af laununum sínum eftir bestu samvisku, telja rétt fram og borga skuldirnar sínar, og þeirra sem greiða ekki af lánum, greiða ekki skatt, greiða ekki kaupleigu og borga ekki af húsunum sínum eða tryggingar......ó ekki tala við mig um tryggingar!!!!! Svo ef á að gera viðkomandi upp þá er það allt í lagi, ekkert til til að gera upp og fjárglæframaðurinn gengur síðan af stað vikuna eftir og leikur sama leikinn!!

Er ekki annars skrítið að það eru yfirleitt einstæðir, velmenntaðir og vel stæðir karlmenn sem predika frjálshyggju?

vinnusemi

Thu, 08 Feb 2007 17:14:26 GMT

Nú er ég búinn að klára ellefu daga af tólf daga vinnutörn á tvenns konar vöktum, þriðju törnina frá mánaðarmótum og þetta ástand á að vara fram í endaðan mars.....að minnsta kosti.

Ég verð að hugsa mig tvisvar um ef ég er spurður hvaða dagur vikunnar eða mánaðarins er og hápunktur hvers dags er orðinn að komast í sturtu og heim að leggja sig.

í öðrum fréttum er það helst að Herdís farin að purra af hjartans lyst og tekst með æfintýralegum hætti að rennbleyta sjálfa sig og næsta umhverfi í slefu. Sigrún er búin að fá varadekk undir kerruna hennar Herdísar þannig að við þurfum ekki að koma henni ofan í vagn með skóhorni ef á að fara út að labba.

Ekkert bólar á varahlutum í litla bílinn. Við erum búin að kaupa Black Adder á netinu og bíðum nú eftir á pakkinn komi frá útlöndum. Mig langar samt að fá varahlutina mína.

Nágranni minn keypti sér nýtt hjól um daginn og mig langar líka í svoleiðis......þegar ég á pening.

brainstorm

Tue, 09 Jan 2007 19:31:59 GMT

Hvaða lög ætti ég að taka með ballhljómsveitinni sem ég er að fara af stað með?

svona er það

Tue, 12 Dec 2006 16:04:56 GMT

Ég er þreyttur, þjáður
og þoli lítið.
Það er eins og áður
ekki skrýtið.

aftur

Sat, 11 Nov 2006 12:44:40 GMT

1.Hver ert þú?

2. Erum við vinir?

3. Hvenær hittumst við fyrst og hvernig?

4. Ertu hrifin af mér?

5. Langar þer að kyssa mig?

6. Láttu mig hafa gælunafn og útskýrðu afhverju þú valdir það.

7. Lýstu mér í einu orði.

8. Hvernig leist þér á mig þegar þú sást mig fyrst?

9. Lýst þér ennþá þannig á mig?

10. Hvað minnir þig á mig?

11. Ef þú gætir gefið mér eitthvað hvað myndi það vera?

12. Hversu vel þekkiru mig?

13. Hvenær sástu mig síðast?

14. Hefur þig einhvern tíman langað til að segja mér eitthvað en ekki getað það?

15. Ætlaru að setja þetta á bloggið þitt svo ég geti skrifað um þig?

ammli

Mon, 23 Oct 2006 14:37:55 GMT

Glacier hefur nú að afstöðnu 28. afmæli sínu ákveðið eftirfarandi:

1. Sigrún er best, hún gaf mér sokka og bók og lét renna í bað og nuddaði á mér bakið og gaf mér góðan mat og gerði allt sem hún gat fyrir mig og leyfði mér að fara að skjóta.

2. Stína og Kamilla og Lovísa og Patrekur og Gunna frænka og Gæi og Presturinn og fleiri koma svo. Þið eruð alveg ágæt.

3. Dóttir mín er í sérflokki og verður þess vegna ekki uptalin hér!!

Takk fyrir mig. Ég ætla í hreindýr þegar ég verð þrítugur.

glacierstaðir hinir síðari

Sun, 24 Sep 2006 14:26:56 GMT

Hér erum við nú og hér ætlum við að vera næstu árin, það verður ekki umflúið, Sigrún neitar að flytja fyrr en eftir fimm ár að minnst kosti.

Hér er ágætt að vera, hef orðið var við aukningu í gestagangi eftir að helvítis hanabjálkinn er úr sögunni, bróðurbörnin mín koma reglulega til að fá gott í magann, nýkomin frá Rúnari og Ástu á horninu og skrölta svo til Mumma og Helgu á endanum áður en þau fara heim. Gullnáma.

Var að vinna í gær, þvert á fyrirætlanir. Er svo aftur að vinna í dag, sömuleiðs þvert á ætlanir. Jæja, maður fær aðeins í vasann fyrir þetta, veitir ekki af til að borga af nýju íbúðinni.

illa gengur það

Tue, 15 Aug 2006 15:29:31 GMT

Það er alveg merkilegt hvers konar raunir þarf að ganga í gegnum til að koma sér upp sómasamlegu þaki yfir höfuðið! Tilboð, útboð, gylliboð, ofboð og allskyns boð. Allt vegna þess að mann langar ekki að húka í pínu kofa uppi í rjáfri einhversstaðar ýmist í skítakulda eða funhita og einskis millivegar. Sumum finnst eins og maður megi nú bjóða meira (seljendur) meðan öðrum þykir allt of mikið sett á eignina (kaupendur). Mér þykir orðið nóg um. Með þetta að leiðarljósi ætla ég ekki að flytja aftur næstu árin. Þar sem mig ber niður næst, þar verð ég og sá sem fyrir er getur bara sætt sig við það og annaðhvort verið þar með mér eða farið. Af hverju skyldi ég ekki mega það eins og Ísraelsmenn?
Las bók Simons Wiesenthal um daginn og þykir stórmerkilegt að maður sem hafi lifað aðrar eins hörmungar af og hann, og að auki misst eigur sínar allar til þjóðar sem komin var í land hans af eigin frumkvæði, geti samvisku sinnar vegna heimtað í krafti búsetu fyrir 3000 árum heimkili annarrar þjóðar handa sér og sínum.

Bein tilvitnun: "Þjóð, sem verður fyrir því að önnur þjóð kemur til lands hennar, verður að sætta sig við sambýli hennar, lög hennar og reglur eða fara annars."

Takk fyrir Simon Wiesenthal.

helgarfrí

Fri, 14 Jul 2006 15:43:50 GMT

Ég er kominn í helgarfrí, þó reyndar verði ég að eyða því fríi í hinni vinnunni.

Ég er orðinn veiðivörður (af hverju ætli veiðiverðir séu annaðhvort frá Holti eða Miðhúsum, pæling!!) og verð á ferðinnii sem slíkur um helgina að selja veiðileyfi.

Af gefnu tilefni vil ég taka það fram að skáldið er undaþegið veiðum fram í miðjan ágúst......